| |
Gunnar var nemandi Sigurðar Demetz við Nýja
tónlistarskólann og útskrifaðist þaðan 1987. Sama ár fór hann til London og
var þar í óperustúdíói í eitt ár en eftir það hefur hann verið fastráðinn
við óperuhúsin í Wiebaden, Lyon og Deutche Staatsoper í Berlín þar sem hann
hefur verið undanfarin þrjú ár.
Gunnar hefur sungið í fjölmörgum verkefnum, allt frá óratoríum til
Wagnerópera en í vor birti blaðið Grammophone mjög lofsamlega gagnrýni um
frammistöðu Gunnars í upptöku á óperunni Tannhauser undir stjórn Daniels
Barenboim.
Gunnar Guðbjörnsson er starfandi óperusöngvari
en hefur nú búsetu á Íslandi. Hann getur tekið að sér fáeina nemendur en
æskilegt er að þeir séu komnir það vel á veg í söngnáminu að þeir geti
misst úr viku og kannski tvær þegar að hann er erlendis að syngja en tækju
svo fleiri tíma á viku inn á milli.
Við fögnum því að hafa fengið svo reyndan
söngvara til liðs við skólann.
|
